集體回憶，可以是大家的共同回憶，也可以是一個個的獨立回憶。

個人覺得後者較為浪漫。同一事物，於每個人，有著不同的意義，然後一點一滴地拼湊出一個屬於大家的集體回憶。人們望著它，皆不約而同地勾起獨一無二的感慨。

本來，每個回憶彼此各不相干，沿著既有的軌跡，和諧並存。但當它們之間出現重疊，打亂軌跡，就會令人無所適從，尤其當它們是矛盾的時候。到底該以原來的，還是後來的作情感的依歸？

今晚，我一個單純的童年回憶，遇上了一個屬於他們二人的回憶，實在令我不知所措，輾轉難眠。

心被輕輕的割破, 血珠自一道一道的傷痕滲出, 緩緩而下, 滑到劍尖

順著劍鋒輕舔, 細味那腥甜

毫無還擊之力, 淌血的心, 此刻只有嘆息

著左兩日紙皮鞋/赤腳, 著返鞋既感覺簡直係amazing

從來都唔覺, 鞋係咁重要

飢寒交迫訓地板, 結果係訓下醒下望天光, 好難受

從來都唔覺, 屋企張床係咁舒服

餓足廿四個鐘, 淨係飲過少少珍貴既好立克同麥精

從來都唔覺, 白麵包係咁好食

一切由饑饉廿四開始!!

======================

一年多前, 曾經遺失我的舊電話, 立即買來一部同款的

沒多久他壞了, 便立即帶他去修理, 但不久他又壞了

那個屏幕, 時而只剩一半, 時而左右倒轉, 有時甚至漆黑一片

幾個月下來, 前前後後也修理了四五次, 就如鹽水吊命一般

最後, 我累了, 他也壽終正寐了

現在他正安靜地躺在桌上, 沒刻意去碰, 也不刻意去避

不痛不癢, 一切回歸平靜

======================

最近, 經常有遊遍世界的衝動, 也對companion很有感應

一個 fully-packed 的聖誕假:

廿四 - 美食展, board game, 燈飾

廿五至廿七 - 湛江旅行

廿八至廿九 - 饑饉廿四

加上連綿不斷的補習

或許, 沒有喘息的機會會更好

請讓我好好過渡這一個感傷的節日

無人情味既人好討厭, 受過高等教育而又無人情味既人更加係可怕, 因為佢地可以滿口科學數據歷史經論國際視野咁去大石責死蟹

佢會同你講: "有錢點解唔可以買起你屋企, 世界係咁架啦, 何況係一條爛鬼菜園村!"

有時, 真係好怕同呢D金錢奴隸傾計

佢又會話: "除左西九龍, 我唔認為有其他地方可以起高鐵, 你一係就俾D報告我睇證明有, 如果唔係就唔好亂講一通!"

一家人食餐飯閒話世情, 搞到好似立法會城市論壇咁, 為乜?

佢望住電視新聞報導, 會話: "依家D後生仔真係不知所謂, 腦又唔用淨係識搞事!" 然後用眼尾掃一掃我, 嘆一口氣

由細到大, 經歷過咁多次, 我已經學識左唔出聲, 唔表達意見, 除左因為我口才唔好, 永遠唔夠佢講, 仲因為就算講得過, 最尾佢都會講句 "你D後生仔, 太唔了解呢個社會" 去end up

今晚, 我實在太衝動, 居然講左幾句關於反對起高鐵既野

結果, 就俾人借故鬧到狗血淋頭 (個"故"係我同細妹想打牌XD)